សកម្មជនបំផ្លាញព្រៃឈេី បានកំពុងសម្រុកដឹកជញ្ជូន ធ្យូងឆ្លងដែនទៅលក់នៅប្រទេសវៀតណាម យ៉ាងសកម្ម តាមច្រកជាយឃ្លាំង ភូមិក្រញូងសែនជ័យ ឃុំក្រញូងសែនជ័យ ស្រុកស្នួល…
ខេត្តក្រចេះ៖ ប្រភពពីប្រជាពលរដ្ឋ បានផ្តល់ព័ត៌មានមកថា លោកថៃ គា ជាមេ សកម្មជនរកសុីដឹងធ្យូងឆ្លងដែនទៅលក់នៅប្រទេសវៀតណាមយ៉ាងសកម្ម។ ពេលបានទទួលដំណឹងនេះហើយ នៅថ្ងៃច័ន្ទទី០៨ ខែកក្កដា ឆ្នាំ២០២៤ វេលាម៉ោង ៦ : ៣០នាទី មានរថយន្តខ្នាតយក្សពីរគ្រឿងបានដឹកធ្យូងឆ្លងដែនយកទៅលក់នៅប្រទេសវៀតណាម តាមច្រកជាយឃ្លាំង ភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះពិតប្រាកដមែន ពេលដែបានឃើញការដឹកជញ្ជូននេះហើយ អ្នកសារព័ត៌មាន យើងបានថតផ្តិតយករូបភាពមកធ្វើការចុះផ្សាយដើម្បីជូនដំណឹងដល់ថ្នាក់ដឹកនាំឱ្យលោកបានជ្រាប។
ប្រជាពលរដ្ឋម្នាក់ ដែលក្នុងលក្ខខណ្ឌមិនបញ្ចេញឈ្មោះ មានចម្ងល់លើកឡើងថា ការដែលដឹកជញ្ជូនធ្យូងរបស់លោក ថៃ គានេះ មានការឆ្លងកាត់ ប៉ុស្តិ៍នឹងមន្ទីរពាក់ពន្ធ័ជាច្រើន ចុះហេតុអ្វីបានជាលោក ថៃ គា ដឹកធ្យូងយកទៅលក់នៅក្រៅប្រទេសបានយ៉ាងរលូនបែបនេះ? ចំណែក លោក អៀម សុខ លីម មេប៉ុស្តិ៍ជាយឃ្លាំង ក៏មិនមានធ្វើការទប់ស្កាត់ដែរ បណ្តោយឱ្យ ក្រុមមេសកម្មជន ដឹកចេញយ៉ាងសកម្មទាំងថ្ងៃទាំងយប់ បើតាមប្រភពពីពលរដ្ឋម្នាក់ទៀតនិយាយប្រាប់មកអង្គភាពសារព័ត៌មានយើងបានឲ្យដឹងបន្ថែមទៀតថា ការដែលដឹកបានយ៉ាងរលូននេះ គឺមានឈ្មោះ ចែមុំ គាត់បានរត់ការនិងត្រួសត្រាយផ្លូវរួចរាល់អស់ហើយ។
ពលរដ្ឋបន្តថា ការដែលកើតចេញជាធ្យូងទាំងនេះ គឺកើតចេញពីការកាប់បំផ្លាញព្រៃឈើ ដែលជាសម្បត្តិធម្មជាតិ យកមកដាក់ឡរដុត ទើបចេញជាធ្យូងបាន ។ ដូចនេះហើយពលរដ្ឋស្នើសុំដល់មន្ត្រីពាក់ពន្ធ័ទាំងអស់ មេត្តាមានវិធានការទប់ស្កាត់ផងទាន បើបណ្តែតបណ្តោយបែបនេះ ធនធានធម្មជាតិត្រូវរលាយដោយសាតែកាប់យកមកដុតធ្វើជាធ្យូងនេះមិនខាន៕
អង្គភាពសារព័ត៌មានយើងខ្ញុំគ្រាន់តែជាកញ្ចក់ឆ្លុះបញ្ចាំង និងជាព្រាបនាំសារ ជូនថ្នាក់ដឹកនាំ និងរាជរដ្ឋាភិបាលតែប៉ុណ្ណោះ ជុំវិញការចុះផ្សាយខាងលើ អង្គភាពសារព័ត៌មានយើងខ្ញុំរង់ចាំទទួលការស្រាយបំភ្លឺពីស្ថាប័នពាក់ព័ន្ធរៀងរាល់ម៉ោងធ្វើការ តាមច្បាប់ស្តីពី របបអ្នកសារព័ត៌មាននៅកម្ពុជា។
