ឯកឧត្ដម ង៉ូវ បូរីណា បានអញ្ជេីញចូលរួម ចុះពិនិត្យវឌ្ឍនភាពការងារសាងសង់ ថ្នាលបណ្តុះកូនឈើថ្នាក់តំបន់ ភូមិសាស្ត្រកំពង់ស្ពឺ និងការងារសាងសង់នៅតំបន់ភ្នំខ្នងផ្សារ
កំពង់ស្ពឺ ៖ ឯកឧត្ដម ង៉ូវ បូរីណា រដ្ឋលេខាធិការក្រសួងបរិស្ថាន បានអញ្ជេីញចូលរួមអបដំណេីរឯកឧត្ដមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន អញ្ជើញចុះពិនិត្យវឌ្ឍនភាពការងារសាងសង់ ថ្នាលបណ្តុះកូនឈើថ្នាក់តំបន់ ភូមិសាស្ត្រកំពង់ស្ពឺ និង បានបន្តអញ្ជើញចុះពិនិត្យវឌ្ឍនភាពការងារសាងសង់នៅតំបន់ភ្នំខ្នងផ្សារ នាព្រឹកថ្ងៃទី១៣ ខែសីហា ឆ្នាំ២០២៥ នៅខេត្តកំពង់ស្ពឺ។
សូមបញ្ជាក់ផងដែរថា ថ្នាលបណ្តុះកូនឈើថ្នាក់តំបន់ ភូមិសាស្ត្រកំពង់ស្ពឺ ជាថ្នាលទី២ នឹងត្រូវបានបញ្ចប់ការសាងសង់ក្នុងពេលឆាប់ៗ បន្ទាប់ពីថ្នាលបណ្តុះកូនឈើ ភូមិសាស្ត្រត្បូងឃ្មុំ ក្នុងការផ្គត់ផ្គង់កូនឈើ ដើម្បីបង្កើនភាពបៃតង នៅប្រទេសកម្ពុជា។
ចំពោះ វឌ្ឍនភាពការងារសាងសង់នៅតំបន់ភ្នំខ្នងផ្សារ “គោលដៅលំហែបៃតង” នាភ្នំខ្នងផ្សារបានលេចរូបរាងបណ្តើរៗហើយ ក្នុងការខិតសំប្រឹងប្រែង សម្រាប់ភ្ញៀវទេសចរណ៍ជាតិ និងអន្តរជាតិ មកលេងកម្សាន្ត ជាមានភាពបៃតង ខ្យល់ត្រជាក់ពោពេញទៅដោយធម្មជាតិស្រស់បំព្រង។ 
