ទោះជាក្នុងដូវបិទនេសាទក៏ដោយ ក៏នៅតែមានឃេីញ ក្រុមអ្នកបន្តដឹកជញ្ជូនត្រីល្អិត ប្រភេទត្រីចំណីនុយ បានយ៉ាងរលូន ពុំមានឧបសគ្គអ្វីមករារាំងឡេីយ
ខេត្តពោធិ៍សាត់ ៖ បេីក្រឡេកទៅមួយជ្រុង នៅតាមដងទន្លេសាបវិញ បទល្មើសនេសាទនៅតែកើតមានជារៀងរាល់ថ្ងៃ ទោះជាក្នុងរដូវបិទនេសាទក៏ដោយ សកម្មភាពនេះស្ថិតនៅចំណុចភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់ បើទោះបីមានសេចក្តីជូនដំណឹងពី ក្រសួងកសិកម្ម រុក្ខាប្រមាញ់ និងនេសាទ រដ្ឋបាលជលផល នាដូវបិទការនេសាទក៏ដោយក្តី ក៏សង្កេតឃើញថាក្រុមឈ្មួញនៅតែបន្ដប្រព្រឹត្តិ ធ្វើសកម្មភាពបទល្មើសនេសាទ ដឹកជញ្ជូនយ៉ាងសកម្មជារៀងរាល់ថ្ងៃ ពុំទាន់មានអាជ្ញាធរមានសមត្ថកិច្ចពាក់ព័ន្ធណា ធ្វេីការទប់ស្កាត់ ឬបង្ក្រាបសោះឡើយ ឬមួយរក្សាភាពស្ថៀមស្ងាត ដែលធ្វើឱ្យក្រុមឈ្មួញមានភាពកក់ក្តៅ និងបន្ដដឹកជញ្ជូនគ្មានខ្លាចក្រែងញញើត នឹងអាជ្ញាធរមានសមត្ថកិច្ច។
បើយោងទៅតាមសេចក្តីជូនដំណឹង ស្តីពីរដូវបិទនេសាទឆ្នាំ២០២៤ របស់ ក្រសួងកសិកម្ម រុក្ខាប្រមាញ់ និងនេសាទ រដ្ឋបាលជលផល កាលពីថ្ងៃទី២០ ខែឧសភា ឆ្នាំ២០២៤ ចុះក្នុងលិខិតលេខ១៤៤១ សូមជូនដំណឹងដល់សាធារណៈជន និងអ្នកនេសាទទាំងអស់ឲ្យបានជ្រាបថា រដូវបិទនេសាទសម្រាប់ការធ្វើនេសាទក្នុងដែននេសាទទឹកសាប ត្រូវបានកំណត់ដូចខាងក្រោម ៖ ចាប៉ពីថ្ងៃទី០១ ខែមិថុនា ដល់ថ្ងៃទី៣០ ខែកញ្ញា ឆ្នាំ២០២៤ ចំពោះជននេសាទទឹកសាប រួមមានខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាម កំពង់ធំ ព្រះវិហារ រតនៈគិរី មណ្ឌលគិរី ក្រចេះ ត្បូងឃ្មុំ កំពង់ចាម និងមួយផ្នែក នៃរាជធានីភ្នំពេញ និងខេត្តកណ្តាល ដែលស្ថិតនៅខាងជើងខ្សែស្របទន្លេចតុម្មុខ ។
ប្រភពពីប្រជាពលរដ្ឋ រស់នៅភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់ (ត្រង់ចំណុចមាត់ទឹក) បានប្រាប់មកអង្គភាពសារព័ត៌មានយើងឲ្យដឹងថា រាល់ថ្ងៃពួកគាត់ឃើញថា មានសកម្មភាពកាណូតក្រុមឈ្មួញដឹកជញ្ជូនត្រីចំរុះជាច្រើន ដើម្បីលើកឡើងម៉ូតូសណ្ដោងរឺម៉ក និងរថយន្តជាហូរហែរ យកទៅលក់ និងចែកចាយបន្ត បើទោះបីជារដូវនេះ ជារដូវបិទនេសាទយ៉ាងណាក្តី
ប្រភពដដែលបានបន្តឱ្យដឹងទៀតថា សកម្មភាពក្រុមឈ្មួញដឹកជញ្ជូនត្រីនារដូវបិទនេសាទនេះ ជាដែនសមត្ថកិច្ចរបស់ លោក យូ សុវិចិត្ត ដែលមានតួនាទីជា នាយសង្កាត់រដ្ឋបាលជលផល និងជានាយរងផ្នែករដ្ឋបាលជលផលស្រុកក្រគរ ។
ប្រជាពលរដ្ឋរស់នៅភូមិ-ឃុំខាងលើមានការងេីយថា ចំពោះនាយសង្កាត់រដ្ឋបាលជលផលក្រគរ និងជានាយរងផ្នែករដ្ឋបាលជលផលស្រុកក្រគរ តេីលោក បានដឹងដែរឬយ៉ាងណា? ឬមួយក៏លោក មិនហ៊ានចុះអនុវត្ដច្បាប់លេីជន ដែលបានព្រព្រឹត្ដិបទល្មេីសផ្ទុយពីច្បាប់។
អង្គភាពសារព័ត៌មានយើងខ្ញុំបានរាយការណ៍ នឹងចុះផ្សាយជូនលោក យូ សុវិចិត្ត ម្តងរួចហើយតាមរយៈតេលេក្រាម ប៉ុន្តែពុំមានចំណាត់ការចុះទប់ស្កាត់បង្រ្កាបនោះទេ។
ថ្មីៗនេះភ្នាក់ងាអង្គភាពសារព័ត៌មានយើងខ្ញុំបានចុះផ្តិតរូបភាពវីឌីអូបន្ថែមទៀតក៏នៅតែប្រទះឃើញ ក្រុមឈ្មួញប្រមូលទិញត្រីនារដូវបិទនេសាទ រួចដឹកជញ្ជូនទៅលក់ចែកចាយខាងលើ រស់នៅផ្ទះផែបណ្ដែតលើផ្ទះទឹក ភូមិ៤ ឃុំកំពង់លួង ស្រុកក្រគរ នេះតែម្ដង ។ ហើយត្រីចំរុះដែលពួកគាត់ប្រមូលទិញនេះ គឺប្រមូលទិញពីប្រជានេសាទដែលប្រើប្រាស់ឧបករណ៍ ខុសច្បាប់ស្ដីពីជលផល(របាំងសាច់អួនក្រឡាល្អិតៗ ឬរបាំងស្បៃមុងតែម្ដង) ម្យ៉ាងទៀតរដូវនេះជារដូវបិទនេសាទ។
តាមប្រភពបញ្ជាក់បន្តបន្ថែមទៀតថាបច្ចុប្បន្ន នារដូវបិទនេសាទនេះ គេសង្កេតឃើញស្ថាប័នមានសមត្ថកិច្ចសហការ បង្រ្កាបការប្រើប្រាស់ឧបករណ៍ខុសច្បាប់ស្ដីពីជលផលច្រើនដែរ ប៉ុន្តែឧបករណ៍ចាប់ត្រីប្រភេទ(របាំងសាច់អួនក្រឡាល្អិត និងរបាំងស្បៃមុង)នៅតែកើតមានច្រើនក្នុងភូមិសាស្រ្តស្រុកក្រគរ ជាពិសេសចាប់ពីឃុំកំពង់លួងទៅផ្នែកខាងកើតតែម្ដង ។
ពាក់ព័ន្ធករណីខាងលើនេះ ប្រជាពលរដ្ឋសំណូមពរទៅដល់អាជ្ញាធរពាក់ព័ន្ធនៅក្នុងបឹងនេសាបក៏ដូចជា មន្ត្រីជលផល មន្ត្រីថ្នាក់ជាតិ មេត្តា ជួយទប់ស្កាត់ និងមានវិធានការផងទាន៕
