កិច្ចប្រជុំ ផ្នែកក្រៅប្រព័ន្ធ នៃយុវជនគណបក្សប្រជាជនកម្ពុជាថ្នាក់កណ្តាល និងយុវជនគណបក្សប្រជាជនកម្ពុជារាជធានីភ្នំពេញ
វិមាន៧មករា៖ លោកបណ្ឌិត ហោ សេរីវឌ្ឍន៍ សមាជិកគណៈកម្មាធិការកណ្ដាល និងជាប្រធានផែ្នកក្រៅប្រព័ន្ធ នៃនៃយុវជនគណបក្សប្រជាជនកម្ពុជា បានដឹកនាំកិច្ចប្រជុំ រវាងផ្នែកក្រៅប្រព័ន្ធ នៃយុវជនគណបក្សប្រជាជនកម្ពុជាថ្នាក់កណ្តាល និងយុវជនគណបក្សប្រជាជនកម្ពុជារាជធានីភ្នំពេញ ដែលមានវត្ដមានចូលរួមដោយ ឯកឧត្ដម សុខ ពេញវុធ ប្រធានក្រុមការងារយុវជនគណបក្សប្រជាជនកម្ពុជារាជធានីភំ្នពេញ និងសមាជិកជំនួយការប្រមាណជាង ៥០នាក់ នាព្រឹកថ្ងៃទី១០ ខែមិថុនា ឆ្នាំ២០២៥ នៅទីស្នាក់ការកណ្ដាលគណបក្សប្រជាជនកម្ពុជា វិមាន៧មករា រាជធានីភ្នំពេញ។ 
ក្នុងឱកាស នាកិច្ចការជួបជុំ ឯកឧត្ដម ង៉ូវ បូរីណា អនុប្រធានផ្នែកក្រៅប្រព័ន្ធ បានធ្វើសេចក្ដីរាយការណ៍អំពី វឌ្ឍនភាពការងាររបស់ផែ្នកក្រៅប្រព័ន្ធ នៃយុវជនគណបក្សប្រជាជនកម្ពុជា។
ជាមួយគ្នានោះដែរឯកឧត្ដម សុខ ពេញវុធ ប្រធានក្រុមការងារយុជនគណបក្សប្រជាជនកម្ពុជារាជធានីភ្នំពេញ បានធ្វើសេចក្ដីរាយការណ៍ជូន អង្គប្រជុំអំពី ការរៀបចំរចនាសម្ព័ន្ធរបស់យុវជនគណបក្សប្រជាជនកម្ពុជារាជធានីភ្នំពេញ បន្ទាប់មក ឯកឧត្ដមឧកញ៉ាសមូហបណ្ឌិត ឡី សុភាព ប្រធានផែនក្រៅប្រព័ន្ធ នៃយុវជនគណបក្សប្រជាជនកម្ពុជារាជធានីភ្នំពេញ ក៏បានធ្វើសេចក្ដីរាយការណ៍អំពី ការដំណើរ នៃកសាងចលនាយុវជនផែនក្រៅប្រព័ន្ធក្នុងរាជធានីភ្នំពេញ បន្ថែមពីនេះ តំណាងសហគ្រិនវ័យក្មេង នៃយុវជនគណបក្សប្រជាជនកម្ពុជាថ្នាក់កណ្ដាល បានធ្វើសេចក្ដីរាយការអំពីដំណើរ នៃការកសាងចលនាយុវជន និងកម្មភាពនានាដែលអនុវត្ដកន្លងមក។
មុននឹងបញ្ចប់កិច្ចប្រជុំ លោកបណ្ឌិត ហោ សេរីវឌ្ឍន៍ បានបូកសរុប និងបានផ្ដល់អនុសាសន៍ សម្រាប់អនុវត្តលេីទិសដៅការងារបន្ដដោយផ្តោតលើ ការបណ្តុះបណ្តាល គោលនយោបាយ អប់រំស្មារតី ការជម្រុញលើកការអភិវឌ្ឍន៍សេដ្ឋកិច្ចក្រៅប្រព័ន្ធ ការពង្រឹងរបបប្រជុំថ្នាក់ដឹកនាំ សមាជិកជំនួយកា និងការធ្វើរបាយការប្រចាំខែ ប្រចាំត្រីមាស ការចូលរួមវិភាគទាន សម្រាប់សមាជិកភាព លើការទ្រទ្រង់សកម្មភាពរបស់ផ្នែកក្រៅប្រព័ន្ធ និងការរៀបចំកិច្ចប្រជុំសម្រាប់ សមាជិកតាមបណ្ដាខេត្ដ មួយខែ បីខេត្ដ រួមបញ្ចូលគ្នាផងដែរ។
កិច្ចប្រជុំត្រូវបិទបញ្ចប់នៅវេលាម៉ោង១១៖៤៥នាទី ប្រកបដោយលទ្ធផលផ្លែផ្កា និងពេញពេញដោយភាពស្និតស្នាល រីករាយ៕
