កិច្ចប្រជុំពិភាក្សា រវាង សមាគម វិនិយោគិន នវានុវត្តន៍ និង អភិវឌ្ឍន៍ ( IDI )និង មូលនិធិអភិវឌ្ឍន៍ជំនាញ ( SDF )
ភ្នំពេញ៖ សមាគម វិនិយោគិន នវានុវត្តន៍ និង អភិវឌ្ឍន៍ ( IDI ) ដែលដឹកនាំដោយ ឧកញ៉ាបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាល បានបេីកកិច្ចប្រជុំពិភាក្សាវរាង មូលនិធិអភិវឌ្ឍន៍ជំនាញ ( SDF ) ដែលដឹកនាំដោយ លោក គី សុខគីម នាយកប្រតិបត្តិ នាថ្ងៃទីទី២០ ខែមីនា ឆ្នាំ២០២៥ នៅអគារមជ្ឈមណ្ឌលធុរៈកិច្ចកម្ពុជា ស្ថិតខណ្ឌជ្រោយចង្វារ រាជធានីភំ្នពេញ។ 
រវាងកិច្ចប្រជុំពិភាក្សានេះ គឺធ្វេីឡេីងដេីម្បីជាការស្វែងយល់ពីទស្សនៈ និងបេសកកម្ម ទម្រង់ប្រតិបត្តិការរបស់ស្ថាប័នទាំងពីរ ។
ក្រោយពីបញ្ចប់កិច្ចប្រជុំ ស្ថាប័នទាំងពីរបានគ្រោងនិងសម្រេចជាលទ្ធផលលេីកិច្ចមួយចំនួនដូចជា ស្ថាប័នទាំងពីរបានត្រៀមចុះអនុស្សរណៈយោគយល់ លេីកិច្ចបណ្ដុះបណ្ដាលជំនាញសម្រាប់អ្នកសេដ្ឋកិច្ចក្រៅប្រព័ន្ធ ដែលនឹងប្រារព្ធទៅនាថ្ងៃទី២៨ ខែមីនា ឆ្នាំ២០២៥ ខាងមុខនេះ និងបានឯកភាពបង្កើតព្រឺត្តិការណ៍រួមគ្នាលំដាប់អន្តរជាតិ ដែលមានឈ្មោះថា « Cambodia Investment Matching » ដែលផ្តោតលើ ការនាំអ្នកវិនិយោគមកពីក្រៅដើម្បីជួបជាមួយ ម្ចាស់អាជីវកម្មក្នុងស្រុក ក្នុងការវិនិយោគនិងអភិវឌ្ឍន៍រួមគ្នា យន្តការនេះ នឹងមានការចូលរួម ពីក្រសួងពាក់ព័ន្ធចំនួន ០៤ គឺក្រសួងពាណិជ្ជកម្ម ក្រសួងកសិកម្ម រុក្ខប្រមាញ់និងនេសាទ ក្រសួងទេសចរណ៍ និង ក្រុមប្រឹក្សាអភិវឌ្ឍន៍កម្ពុជា CDC ផងដែរ។
