ឯកឧត្ដម ឧត្តមសេនីយ៍ឯក ជួន ណារិន្ទ ស្នងការរាជធានីភ្នំពេញ ប្រកាសបង្ក្រាបល្បែងផ្សងសំណាងគ្រប់ប្រភេទ ដែលគ្មានច្បាប់អនុញ្ញាត

ភ្នំពេញ៖ ស្នងការនគរបាលរាជធានីភ្នំពេញ ឯកឧត្ដម ឧត្តមសេនីយ៍ឯក ជួន ណារិន្ទ បានដឹកនាំកិច្ចប្រជុំផ្សព្វផ្សាយបទបញ្ជា យ៉ាងម៉ឹងមាត់របស់ សម្តេចធិបតី ហ៊ុន ម៉ាណែត ពាក់ព័ន្ធនឹងការបង្ការទប់ស្តាត់ និងបង្ក្រាបល្បែងស៊ីសងផ្សងសំណាង នៅថ្ងៃទី១៥ ខែកុម្ភៈ ឆ្នាំ២០២៤។

ក្នុងកិច្ចប្រជុំនោះ ឧត្តមសេនីយ៍ឯក ជួន ណារិន្ទ បានដាក់ចេញនូវបទបញ្ជាចំនួន៤គឺ៖
១. បង្ក្រាបល្បែងផ្សងសំណាង ដែលគ្មានច្បាប់អនុញ្ញាត។
២. ល្បែងផ្សងសំណាង ដែលហួសសពុលភាព អាជ្ញាប័ណ្ណ ត្រូវណែនាំឱ្យបង្ក្រាប។
៣. ល្បែងផ្សងសំណាងមានអាជ្ញាប័ណ្ណស្របច្បាប់ ប៉ុន្តែធ្វើអាជីវកម្មខុសទីតាំងអាជ្ញាប័ណ្ណ ត្រូវធ្វើការបង្ក្រាប។
៤. បង្កើតក្រុមការងារតាមដានត្រួតពិនិត្យស្រាវជ្រាវបង្ក្រាបល្បែងស៊ីសងខុសច្បាប់ និងក្លឹបកម្សាន្តដែលលួចផ្តល់ទីតាំងឱ្យប្រើប្រាស់សារធាតុញៀនខុសច្បាប់៕