ឯកឧត្តម ង៉ូវ បូរីណា អញ្ចើញចូលរួមគោរពវិញ្ញាណក្ខន្ធ សពវីរយុទ្ធជន វរសេនីយ៍ឯក ព្រៀប ចំរើន នៅស្រុកត្បូងឃ្មុំ ខេត្តត្បូងឃ្មុំ
ត្បូងឃ្មុំ ៖ ឯកឧត្តម ង៉ូវ បូរីណា សមាជិកយុវជនគណបក្សថ្នាក់កណ្តាល ប្រធានក្រុមការងារយុវជនគណបក្សក្រសួងបរិស្ថាន និងជាអនុប្រធានទី២ ក្រុមការងារគណបក្សចុះជួយមូលដ្ឋានស្រុកអូររាំងឪ បានអញ្ជើញចូុលរួមអបដំណេីរ ឯកឧត្ដមបណ្ឌិត អ៊ាង សុផល្លែត ប្រធានក្រុមការរាជរដ្ឋាភិបាលចុះជួយមូលដ្ឋានខេត្តត្បូងឃ្មុំ និងជាប្រធានក្រុមការងារគណបក្ស ចុះជួយមូលដ្ឋានស្រុកអូររាំងឪ ពញាក្រែក និងត្បូងឃ្មុំ តំណាងដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី បាននាំយកនូវថវិកាគោលនយោបាយ ឧបត្ថម្ភនិងសារលិខិតរំលែកទុក្ខ របស់រាជរដ្ឋាភិបាលកម្ពុជា ប្រគល់ជូនដល់ក្រុមគ្រួសារសព វរសេនីយ៍ឯក ព្រៀប ចំរើន ជាយោធិន នៃកងពលតូចថ្មើរជើងលេខ២១ យោធភូមិភាគទី២កងទ័ពជើងគោក ដែលបានទទួលមរណភាពនៅថ្ងៃទី២៥ ខែសីហា ឆ្នាំ២០២៥ ក្នុងជន្មាយុ ៥៣ ឆ្នាំដោយរោគាពាធ ក្នុងពេលបំពេញបេសកកម្ម ការពារបូរណភាពទឹកដីនៅតាមបណ្តោយព្រំដែន នាព្រឹកថ្ងៃទី៣០ ខែសីហា ឆ្នាំ២០២៥ នៅទីបញ្ជាការវរសេនាតូចថ្មើរជើងលេខ២១៤ ក្នុង ស្រុកត្បូងឃ្មុំ ខេត្តត្បូងឃ្មុំ។ 
ជាមួយការចូលរួមសម្តែងនូវការសោកស្តាយ និងចូលរួមមរណទុក្ខដ៏ក្រៀមក្រំបំផុតជាមួយគ្រួសារសព ឯកឧត្តមប្រធានក្រុមការងារ បានពាំនាំការចូលរួមរំលែកទុក្ខយ៉ាងក្រៀមក្រំបំផុត និងសេចក្តីអាណិតអាសូរដោយស្មោះអស់ពីដួងចិត្ត របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាមួយភរិយានៃសព ព្រមទាំងក្រុមគ្រួសារសព និងឧទ្ទិសកុសលជូនដល់សពវរយុទ្ធជន វរសេនីយ៍ត្រីព្រៀប ចំរើន សូមបានទៅ សោយសុខក្នុងឋានសុគតិភពកុំបីឃ្លៀងឃ្លាតឡើយ៕
